حیدرآباد (اسٹاف رپورٹر) حیدرآباد کے علاقے مکی شاہ سے 40 روز قبل پراسرار طور پر لاپتا ہونے والی لڑکی ماہین کا سراغ نہیں مل سکا۔ اس حوالے سے لڑکی کی والدہ عائشہ نے اپنے شوہر عامر اور اہل خانہ کے ساتھ حیدرآباد پریس کلب کے سامنے احتجاج کیا۔ انہوں نے کہا کہ ان کی17سالہ بیٹی ماہین 40 دن سے پراسرار طور پر لاپتا ہے، انہیں شبہ ہے کہ ان کی بیٹی کو کسی نے اغوا کیا ہے۔ ان کا کہنا تھا کہ وہ مسلسل ماہین کو ڈھونڈ رہے ہیں لیکن وہ نہیں ملی۔ انہوں نے ایس ایس پی حیدرآباد سے بیٹی کی بازیابی میں مدد کی اپیل کی۔
