ٹھٹھہ (نمائندہ جسارت) ایس ایس پی کے احکامات پر ایس ایچ او تھانہ دھابیجی انسپکٹر مبین پڑھیاڑ بمعہ اسٹاف نے دوران گشت خفیہ اطلاع ملنے پر دھابیجی مارکیٹ میں گٹکا فروش ملزم اقبال بلوچ کے گٹکا گودام پر چھاپا مار کارروائی کرکے 153 کلو گٹکا میٹریل اور 100 پیکٹ گٹکا ماوا برآمد کرلیا۔ پولیس نے گٹکا میٹریل حراست میں لے کر فرار گٹکا فروش ملزم اقبال بلوچ کے خلاف تھانہ دھابیجی میں مقدمہ درج کر لیا، ملزم کی گرفتاری کے لیے پولیس کے چھاپے جاری ہیں۔
