ریاض: سعودی عرب فٹبال فیڈریشن نے پاکستان ویمن فٹبال ٹیم کو فرینڈلی میچ کے لیے دعوت دے دی۔
سعودی عرب نے رواں ماہ فیفا ونڈو میں خواتین فرینڈلی میچ کے لیے پاکستان فٹبال فیڈریشن سے رابطہ کرلیا ہے۔
سعودی عرب نے قطر میں پاکستان سے ویمن فٹبال میچ کھیلنے کی پیشکش کی ہے۔ خواتین کی فیفا فرینڈلی ونڈو 25 نومبر سے 7 دسمبر کے درمیان ہے۔
اس حوالے سے پاکستان فٹ بال فیڈریشن نے سعودی عرب سے میچ کھیلنے پر دلچسپی کا اظہار کیا ہے۔
میچ کے لیے پاکستان ٹیم کے تمام اخراجات بھی سعودی فٹبال فیڈریشن برداشت کرے گی، میچ کے لیے دونوں ٹیموں کا تربیتی کیمپ بھی قطر میں ہی لگایا جائے گا۔
