لاہور:9 مئی کی منصوبہ بندی کے کیس میں پی ٹی آئی رہنما شاہ محمو د قریشی و دیگر پر فرد جرم عائد کردی گئی۔
عدالت نے مقدمے کے ملزمان شاہ محمود قریشی سمیت 21 دیگر پر فرد جرم عائد کی۔ سانحہ 9مئی سے متعلق منصوبہ بندی کے الزام میں تھانہ ریس کورس میں درج مقدمے کی سماعت کوٹ لکھپت جیل میں انسداد دہشت گردی کی خصوصی عدالت کے جج نے کی۔
دوران سماعت شاہ محمود قریشی ،اعجاز چودھری ، عمر سرفراز چیمہ سمیت 21ملزمان پر فرد جرم عائد کردی گئی۔
بعد ازاں انسداد دہشت گردی کی خصوصی عدالت نے آئندہ سماعت پر گواہان کو طلب کرلیا۔
