انٹرنیشنل کرکٹ کونسل (آئی سی سی) چیمپئنز ٹرافی کراچی میں اپنا ٹور مکمل کرنے کے بعد لاہور پہنچا دی گئی۔
شیڈول کے مطابق انٹرنیشنل کرکٹ کونسل (آئی سی سی) چیمپئنز ٹرافی کو 25 نومبر تک کراچی میں رہنا تھا، تاہم سیاسی جماعت کے احتجاج کے اعلان کے بعد ٹرافی کو لاہور پہنچادیا گیا ہے۔
ذرائع کے مطابق آئی سی سی چیمپئنز ٹرافی تین روز تک کراچی میں رہی، چیمپئنز ٹرافی کو جمعے کے روز کراچی کے مختلف مقامات پر لے جایا گیا تھا، لاہور میں ٹرافی ٹور سے متعلق شیڈول فائنل نہیں ہوا ہے۔
آئی سی سی چیمپئنز ٹرافی کو اگلے مرحلے میں 26 نومبر کو افغانستان لے جایا جائے گا۔
