مشیرِ اطلاعات خیبر پختون خوا بیرسٹر محمد علی سیف نے کہا ہے کہ حکومت عوام کی زندگی اجیرن کرنے کے بجائے عوام کا حق واپس کرے۔
ایک بیان میں مشیرِ اطلاعات خیبر پختون خوا بیرسٹر محمد علی سیف نے کہا ہے کہ اسلام آباد سیل کر کے احتجاج کی کامیابی پر مہر لگا دی، حکومت بچانے کے لیے پاکستان کو بند کر دیا گیا ہے، موٹروے اور پنجاب کی شاہراہوں کو بند کرنا احتجاج کی کامیابی کا مظہر ہے۔
مشیرِ اطلاعات خیبر پختون خوا نے کہا کہ حکومت نے اسلام آباد کا ملک کے دیگر شہروں سے رابطہ منقطع ہے،فسطائی ہتھکنڈوں کی بجائے جمہوری انداز اپنائیں ورنہ ناکامی آپ کا مقدر بنے گی ۔
واضح رہے کہ 24 نومبر کو پاکستان تحریک انصاف کے ممکنہ احتجاج کے پیشِ نظر اڈیالہ جیل جانے والے راستے پر رکاوٹیں کھڑی کر دی گئی ہیں۔
