لاہور(اسپورٹس ڈیسک) کھیلتا پنجاب گیمز کے ڈویژن سطح کے مقابلے نشترپارک اسپورٹس کمپلیکس میں جاری ہیں جمنازیم ہال میں ٹیبل ٹینس گرلز فائنل میں نشتر ٹیبل ٹینس کلب نے شیخوپورہ ہائی اسکول اقبال ٹان کو 3-1 سے ہرا کر ٹائٹل اپنے نام کرلیا جبکہ بوائز ٹیبل ٹینس میں عرفان انٹرنیشنل ٹیبل ٹینس اکیڈمی نے نشتر ٹیبل ٹینس کلب کو 3-1 سے ہرادیا۔ گزشتہ روز لاہور ڈویژن کے کھیلتا پنجاب گیمز کے ڈویژن سطح کے مقابلے نیشنل ہاکی اسٹیڈیم میں گرلز ہاکی جبکہ جمنازیم ہال میں ٹیبل ٹینس اور بیڈمنٹن کے گرلز اور بوائز کے میچز کھیلے گئے۔
