کراچی (اسپورٹس رپورٹر) سہیل عدنان،محمد حسن،ماہ نور علی،رشنا محبوب،آبا ن خان اور عاطف علی ناز نے تیسری جونیئر اینڈ ویمنز اسکواش چیمپئن شپ کے فائنلزمیں رسائی حاصل کر لی سندھ اسکواش ایسوسی ایشن کی میزبانی میں پی ایس ایف جہانگیر خان اسکواش کمپلیکس پاکستان اسپورٹس بورڈ کراچی سینٹر پر گزشتہ روز 6 لاکھ روپے مالیت کی انعامی رقم کی حامل چیمپئن شپ کے کوارٹر فائنلز اور سیمی فائنلز کھیلے گئے سندھ اسکواش ایسوسی ایشن کے سیکریٹری محمد عامرچیمپئن شپ کے آرگنائزنگ سیکریٹری ہیں بوائز انڈر13کے پہلے سیمی فائنل میں پنجاب کے سہیل عدنان نے سندھ کے راحیل وکٹر کو 11-3،11-4اور11-5سے جبکہ دوسرے سیمی فائنل میں پنجاب کے محمد حسن نے سخت مقابلے کے بعد فواد خان (کے پی) کو 3-2سے زیر کرکے فائنل میں جگہ بنائی میچ اسکور محمد حسن کے حق میں 11-2،9-11،9-11،11-6 اور 11-2 رہا۔ ویمنز سنگلز کے پہلے سیمی فائنل میں ماہ نور علی (کے پی) نے واپڈا کی کومل خان کو 11-4،11-9 اور 11-3سے جبکہ دوسرے سیمی فائنل میں پنجاب کی رشنا محبوب نے سندھ کی انعم مصطفی کو سخت مقابلے کے بعد 13-11،10-12،11-8،5-11اور12-10سے شکست دے کر فائنل کے لئے کوالیفائی کیا۔
