جنیوا (انٹرنیشنل ڈیسک) سعودی نمایندے خالد الزہرانی کو بین الاقوامی کمیشن کا نائب سربراہ منتخب کر لیا گیا ۔ یہ ادارہ بین الاقومی سطح پر خوراک کی تجارت کے معیار کی نگرانی کا ذمے دار ہے۔ بین الاقوامی کمیشن کا سینتالیسواں اجلاس جنیوا میں منعقد ہوا ،جس میں سعودی نمائندے کو ووٹنگ کے ذریعے منتخب کیا گیا ۔ سوئٹزر لینڈ کی طرف سے خالد الزہرانی کو عہدے کے لیے منتخب ہونے پر مبارکباد دی گئی ہے۔ سعودی عرب کی خوراک اور ادویات سے متعلق اتھارٹی کے سربراہ ہشام نے اس موقع پر کہا سعودی عرب کا اس عہدے کے لیے انتخاب سعودی عرب کے اعلیٰ معیار کی روایت کی تصدیق کرتا ہے۔
