کوناکرے (انٹرنیشنل ڈیسک) افریقی ملک گنی میں فٹبال میچ کے دوران اسٹیڈیم میدان جنگ میں تبدیل ہوگیا اور ٹیموں کے حامیوں کے جھگڑے میں 56افراد اپنی جان گنوا بیٹھے۔ خبررساں اداروں کے مطابق یہ افسوسناک واقعہ مغربی افریقی ملک گنی میں پیش آیا ہے جہاں فٹبال ٹورنامنٹ کے دوران ٹیموں کے حامیوں کے درمیان خونریز تصادم ہوا ۔ ملک کے دوسرے بڑے شہر زریکورے میں فوجی سربراہ مامادی دومبویا کے اعزاز میں فٹبال ٹورنامنٹ منعقد کیا گیا تھا اور ٹیموں کے درمیان میچ جاری تھا۔ اسی دوران ریفری نے کوئی فیصلہ دیا جس پر تنازع کھڑا جو پہلے جھگڑے اور پھر خونریز تصادم میں تبدیل ہو گیا۔ ریفری کے اس متنازع فیصلے پر ایک ٹیم کے مشتعل حامی میدان میں داخل ہوگئے جس کے بعد مخالف ٹیم کے حامی میدان میں آ گئے اور جھگڑاا اسٹیڈیم کی حد سے نکل کر سڑکوں پر آ گیا۔
