دبئی (اسپورٹس ڈیسک ) پاکستان انڈر 19 کرکٹ ٹیم اے سی سی ایشیا کپ میں شرکت کے بعد آج و طن واپس پہنچے گی۔ ٹیم آج صبح دبئی سے پاکستان کیلئے روانہ ہو گی۔اسلام آباد جانے والے کھلاڑی اور ٹیم مینجمنٹ کے ممبران غیر ملکی پرواز سے علی الصبح تین بجے روانہ ہونگے۔ لاہور جانے والے کھلاڑی اور ٹیم آفیشلز صبح چار بجے روانہ ہونگے۔ پشاور جانے والے ملکی پرواز سے صبح چار بجے روانہ ہونگے۔سیالکوٹ جانے والے کھلاڑی غیر ملکی پرواز سے صبح سات بجے روانہ ہونگے، جبکہ کراچی جانے والے کھلاڑی اور سپورٹ اسٹاف شام چھ بجے غیر ملکی پرواز سے روانہ ہونگے۔پاکستان انڈر19کرکٹ نے دورہ یو اے ای میں سعد بیگ کی قیادت میں تین ملکی سیریز اور اے سی سی انڈر19ایشیا کپ میں شرکت کی تھی۔
