واشنگٹن (انٹرنیشنل ڈیسک) پینٹاگون نے ریاست نیوجرسی کی فضا میں دیکھے جانے والے ڈرون کے ایرانی ہونے کی تردید کردی۔ پینٹاگون کی ترجمان سبرینا سنگھ نے وضاحت دیتے ہوئے کہا کہ ڈرون کا تعلق کسی دشمن ملک سے نہیں تھا۔ واضح رہے کہ ڈورن کے حوالے سے امریکی کانگریس کے رکن جیف وان نے امریکی ٹی وی سے بات کرتے ہوئے دعویٰ کیا تھا کہ نیو جرسی کی فضا میں اڑنے والے ڈرون کا تعلق ایران سے تھا اور یہ ڈرون مشرقی ساحل کے قریب تعینات ایرانی بحری جہاز سے داغے گئے تھے۔ پینٹاگون نے جیف وان کے دعوے کو یکسر مسترد کر دیا ہے۔
