وزیرِ اعلیٰ خیبر پختون خوا علی امین گنڈاپور نے کہا ہے کہ بانی پاکستان تحریک انصاف (پی ٹی آئی) عمران خان جب بتائیں گے تب سول نافرمانی تحریک شروع ہو گی۔
پشاور میں میڈیا سے گفتگو کرتے ہوئے وزیرِ اعلیٰ خیبر پختون خوا علی امین گنڈاپو کا کہنا تھا کہ سول نافرمانی کی تحریک کے حوالے بانی پی ٹی آئی کے حکم کا انتظار ہے، عمران خان کا حکم آنے کے بعد اس پر عمل ہو گا۔
انہوں نے کہا کہ مجھے کل عمران خان سے ملاقات نہیں کرنے دی گئی کہا کلیئرنس نہیں ہے، جو اوچھے ہتھکنڈے استعمال کر رہے ہیں کیا ان کی کلیئرنس ہے۔
ان کا کہنا تھا کہ میں پورے خیبر پختون خوا کا نمائندہ ہوں، مجھے کسی سے کلیئرنس کی ضرورت نہیں۔
