لندن(اسپورٹس ڈیسک ) چیمپئنز ٹرافی میں بھارت کو ایڈجسٹ کرنے پر برطانوی اخبار نے آئی سی سی پر شدید تنقید کی ہے۔برطانوی اخبار ٹیلی گراف کی رپورٹ میں کہا گیا ہے کہ چمپئنزٹرافی میں بھارت کو ایڈجسٹ کرنے کیلیے کھیلوں کی سالمیت کو قربان کیا گیا، آئی سی سی کے ہر ایونٹ میں بھارت کو فائدہ پہنچایا جاتا ہے۔رپورٹ میں کہا گیا کہ چمپئنز ٹرافی میں صرف بھارت کو معلوم ہو گا کہ وہ ناک آئوٹ میچ کہاں کھیلے گا، بھارت فائنل میں پہنچا تو فائنل دبئی میں ورنہ لاہور میں ہوگا، بھارت کا پاکستان کو فائنل کرانے سے روکنا مکمل طور پر شرمناک ہے۔ٹیلی گراف کی رپورٹ میں مزید کہا گیا کہ چمپئنزٹرافی کا فائنل کہاں ہوگا یہ 4مارچ کے بعد معلوم ہو گا، بھارت کودی گئی رعایت نامناسب ہے ۔ آئی سی سی بھارت کے ٹرافی جیتنے کے امکانات بڑھا رہی ہے، کرکٹ کے کھیل پر ایک ملک بھارت کی اجارہ داری ہے۔
