کراچی (آن لائن) سینئر صوبائی وزیر شرجیل انعام میمن نے کہا ہے کہ عمران خان بہانہ ہے، ایٹمی پروگرام اور میزائل ٹیکنالوجی حتمی نشانہ ہے۔ سماجی رابطوں کے پلیٹ فارم ایکس (سابقہ ٹوئٹر) پر اپنے پیغام میں شرجیل انعام میمن نے کہا کہ چیئرمین بلاول زرداری نے غیر ملکی مداخلت کو نمایاں کیا۔ انہوں نے کہا کہ عمران خان بہانہ ہے، ایٹمی پروگرام اور میزائل ٹیکنالوجی حتمی نشانہ ہے۔ شرجیل میمن کا کہنا تھا کہ پاکستان پیپلز پارٹی ملک و قوم کے لیے قربانیوں کی ایک میراث رکھتی ہے۔ پیپلز پارٹی اپنے آخری کارکن تک ملک کے لیے قربانی دینے کے لیے تیار ہے۔
