چیئرمین پاکستان تحریک انصاف (پی ٹی آئی ) بیرسٹر گوہر نے کہا ہے کہ بشریٰ بی بی کے ساتھ بیک ڈور مذاکرات کی خبر غلط ہے۔
میڈیا سے گفتگو کرتے ہوئے چیئرمین پاکستان تحریک انصاف (پی ٹی آئی ) بیرسٹر گوہر کا کہنا تھا کہ حکومتی مذاکراتی کمیٹی کے ساتھ دو اجلاس ہوچکے ہیں، جو کمیٹی عمران خان نے بنائی وہی مذاکرات کررہی ہے۔
چیئرمین پی ٹی آئی نے کہا کہ بشریٰ بی بی مذاکراتی عمل میں شامل نہیں، بشریٰ بی بی کے ساتھ بیک ڈور مذاکرات کی کسی نے غلط خبر دی، مذاکراتی کمیٹی کے دو اجلاسوں کے علاوہ کہیں کوئی میٹنگ نہیں ہوئی۔
ان کا کہنا تھا کہ ہمارے کوئی بیک ڈور رابطے نہیں، نہ کوئی مذاکرات ہورہے ہیں،مذاکرات کے تیسرے راؤنڈ سے پہلے عمران خان سے ملاقات ضروری ہے،امید ہے کل ہماری عمران خان سے ملاقات ہوجائے گی، ۔
