اسلام آباد: وزیراعظم کے مشیر برائے سیاسی امور رانا ثنا اللہ نے کہا ہے کہ حکومت کی جانب سے عمران خان کو بنی گالہ منتقلی کی کوئی پیشکش نہیں کی گئی۔
ایک بیان میں وزیراعظم کے مشیر برائے سیاسی امور رانا ثنااللہ نے کہا کہ علیمہ خان نے عمران خان کے جیل میں رہنے کے سیاسی فوائد اور انہیں زہر دینے کی بات کی، حکومت کی جانب سے عمران خان کو بنی گالہ منتقلی کی کوئی پیشکش نہیں کی گئی ، اسٹیبلشمنٹ کی طرف سے پیشکش کے بارے میں کچھ نہیں کہہ سکتے۔
انہوں نے کہا کہ پی ٹی آئی کے لوگ آپس میں بھی لڑ رہے ہیں اور اداروں سے بھی لڑ رہے ہیں، علی امین گنڈا پور کے رابطے دونوں طرف نہیں بلکہ چاروں طرف ہیں۔
ان کا کہنا تھا کہ اسپیکر قومی اسمبلی ایاز صادق کی واپسی کے بعد مذاکرات شروع ہو جائیں گے، 190 ملین پاؤنڈ کیس کے فیصلے میں تاخیر کا مذاکرات سے کوئی تعلق نہیں ہے۔
