دمشق (انٹرنیشنل ڈیسک) شام میں دمشق کی تاریخی اموی مسجد میں بھگدڑ مچنے سے 4افراد جاں بحق اور 16 زخمی ہو گئے۔ حکام نے بتایا کہ 5بچوں کو فریکچر اور شدید چوٹیں آئیں اور وہ بے ہوش ہو گئے۔ دمشق کے گورنر ماہر مروان نے بتایا کہ حکام واقعے کی وجہ جاننے کی کوشش کر رہے ہیں اور ذمے داروں سے جواب طلبی ہو گی۔ ابتدائی تحقیقات کے مطابق مسجد کے ایک حصے میں لنگر کا انتظام تھا اور ایک بہت بڑا ہجوم کھانے کے پیکٹ حاصل کرنے کی کوشش کررہا تھا۔ شیف ابو عمر نامی ایک یوٹیوبر نے اس سے قبل اموی مسجد میں مفت کھانے کی تقسیم کے لیے تیاریوں کی ایک وڈیو پوسٹ کی تھی۔
