لاہور (اآن لائن) پنجاب کی وزیر اطلاعات وثقافت عظمی بخاری نے کہا ہے کہ بانی پی ٹی آئی کو اختیارات کے ناجائز استعمال پر سزا دی جا رہی ہے ۔ ایک سو نوے ملین پاونڈ کیس کا فیصلہ ان کی آ نکھ نہ کھلنے کی و جہ سے نہیں سنایا جا سکا۔ نو مئی کے ملزمان کو ا پنے کئے کی سزا ضرور ملنی چاہیے ، صوبائی کابینہ نے ہندو میرج ایکٹ کی منظوری دیدی ہے ۔ میڈیا سے گفتگو کرتے ہوئے انہوں نے کہا وزیر اعلی پنجاب دن رات عوام کے فلاحی منصوبوں میں مصروف ہیں ۔ پنجاب کابینہ نے ہندو میرج ایکٹ کی منظوری دے دی ہے ، ہندو میرج ایکٹ رولز کی منظوری کے علاوہ گاڑیوں کی 6 ماہ میں رجسٹریشن کی منظوری بھی دی گئی ہے۔
