ملبے سے 28 لاشیں نکال لی گئیں
امریکی حکام نے تصدیق کی ہے کہ بدھ کی شب ایک مسافر طیارے اور فوجی ہیلی کاپٹر کے درمیان ہونے والے تصادم میں کسی شخص کے زندہ بچنے کا امکان نہیں رہا۔
جمعرات کی صبح ریگن نیشنل ایئرپورٹ پر پریس کانفرنس میں واشنگٹن ڈی سی کے ایمرجنسی سروسز کے سربراہ جان ڈونیلی نے بتایا کہ حکام کو ہیلی کاپٹر اور جہاز کا ملبہ مل گیا ہے اور جہاز کے ملبے سے اب تک 27 لاشیں جب کہ ہیلی کاپٹر سے ایک شخص کی لاش نکالی جا چکی ہے۔
انہوں نے بتایا کہ کسی بھی شخص کے زندہ بچنے کے امکانات ختم ہونے کے بعد ریسکیو آپریشن، ریکوری آپریشن میں تبدیل ہو گیا ہے۔
واشنگٹن طیارہ حادثہ: لاشیں نکالنے کا عمل جاری
واشنگٹن: طیارہ حادثے کے بعد ایئر پورٹ پر کیا صورتِ حال ہے؟
No media source currently available
حکام کا رونلڈ ریگن ایئرپورٹ دن 11 بجے کھولنے کا اعلان
واشنگٹن ایئر پورٹ اتھارٹی کے چیف ایگزیکٹو آفیسر (سی ای او) جیک پوٹر کا کہنا ہے کہ رونلڈ ریگن ایئر پورٹ کو امریکی وقت کے مطابق دن 11 بجے کھول دیا جائے گا۔
بدھ کی شب حادثے کے بعد ایئر پورٹ کو تمام پروازوں کے لیے بند کر دیا گیا تھا۔
