ترکیہ کے وزیر دفاع یاشار گیولر نے انقرہ میں یومِ دفاع پاکستان کی تقریب سے خطاب کرتے ہوئے کہا کہ ترکیہ ہر مشکل وقت میں پاکستان کے ساتھ کھڑا رہے گا۔
یہ تقریب ترکیہ کے دارالحکومت انقرہ میں پاکستانی سفارت خانے میں منعقد ہوئی جس میں ترک وزیرِ قومی دفاع نے خصوصی شرکت کی۔
اپنے خطاب میں یاشار گیولر کا کہنا تھا کہ پاکستان کے ساتھ مشترکہ دفاعی منصوبوں، عسکری تربیت اور انسدادِ دہشت گردی کے تعاون کو مزید فروغ دیا جائے گا۔
تقریب سے پاکستان کے سفیر ڈاکٹر یوسف جُنید نے بھی خطاب کیا اور 1965 کی جنگ کو تاریخ کا اہم باب قرار دیتے ہوئے کہا کہ یومِ دفاع ہماری جرأت، اتحاد اور قربانی کی لازوال علامت ہے۔
