اسلام آباد:تحریک انصاف کے رہنما سینیٹر حامد خان نے کہا ہے کہ اسلام آباد پر سب سے زیادہ یلغار اسٹیبلشمنٹ کی ہے ‘اسلام آباد ہائیکورٹ کے 5 بہادر ججز کے ساتھ ہمیں کھڑا ہونا ہوگا‘کہا تھا 26ویں ترمیم کے بعد کچھ نہیں بچے گا،اس ملک میں کوئی ادارہ کام نہیں کر رہا ‘26 ویں ترمیم کے بعد کوئی آئین نہیں رہا ‘اس وقت حکومت کے تمام لوگ صرف اشاروں پر ناچنے والے ہیں ۔
امریکی صدر نے کھانے پر اس کو بلایا ہے جو اقتدار میں ہے ‘کیونکہ ان کو پتہ ہے کون ہے پاور میں ،یہ حکومت تو صرف پپٹ ہے ‘ایک سرکاری ملازم فیصلہ کرتا ہے کہ کون صدر اور کون وزیراعظم بنے گا ۔وکلا گول میز کانفرنس سے خطاب کرتے ہوئے سینیٹر حامد خان نے کہا کہ 26 ویں ترمیم آئین کےلیے خطرہ ہے،عدلیہ کی خودمختاری ختم کی جا رہی ہے‘الیکشن نتائج کو تسلیم نہیں کیا گیا،جمہوریت کو بار بار کمزور کیا گیا۔
وکلاءآئین کے اصل محافظ ہیں،بلوچستان اور سندھ کے وکلاءسرگرم ہیں،اسلام آباد بار کو فعال ہونا ہوگا،بڑا کنونشن جلد اسلام آباد میں ضروری ہے،11 اکتوبر کو لاہور نیشنل کنونشن ہو گا،جعلی پارلیمنٹ اور جعلی ترمیم ناقابل قبول، عوامی مینڈیٹ کو چرایا گیا جو افسوسناک واقعہ ہے۔امپورٹڈ اور پپٹ عدلیہ قابل مذمت‘احتجاج پرامن اور آئینی حدود میں ہو،وکلاءکی یکجہتی وقت کی ضرورت ہے۔
