اسلام آباد: پارلیمنٹ سے منظور ہونے والی 27 ویں آئینی ترمیم عدالت عظمیٰ میں چیلنج کر دی گئی۔
27 ویںترمیم کے خلاف درخواست اسد رحیم خان ایڈووکیٹ کی جانب سے دائر کی گئی ہے۔
درخواست میں انہوں نے ستائیسویں آئینی ترمیم کالعدم قرار دینے کی استدعا کی۔
درخواست میں کہا گیا ہے کہ عدالت عظمیٰ کے اختیارات کو کسی صورت کم یا ختم نہیں کیا جا سکتا۔
عدالت عظمیٰ ماضی میں بھی قانون کی صدارتی توثیق سے قبل قانون پر عملدرآمد روکنے کا حکم دے چکی ہے،
عدلیہ کی آزادی کو یقینی بنانے کا حکم دیا جائے۔
