تھائی لینڈ میں طوفانی بارشوں نے تباہی مچا دی، 300 سالہ بارشوں کا ریکارڈ ٹوٹ گیا اور ملک کے 9 صوبے شدید سیلابی صورتحال سے دوچار ہیں۔ مختلف حادثات اور سیلابی ریلوں کے باعث 19 افراد ہلاک ہوگئے۔
مقامی حکام کے مطابق کئی علاقوں میں 400 ملی میٹر سے زائد بارش ریکارڈ کی گئی، جو گزشتہ تین صدیوں میں سب سے زیادہ ہے۔ مسلسل بارشوں نے سیاحتی شہر **ہاٹ یائی** سمیت جنوبی حصے کے بڑے علاقوں کو بری طرح متاثر کیا ہے، جہاں پانی کی سطح 8 فٹ تک پہنچ گئی۔
سیلاب نے مجموعی طور پر ایک لاکھ 27 ہزار سے زائد گھرانوں کو متاثر کیا ہے جبکہ امدادی کارروائیاں تیزی سے جاری ہیں۔
