آسٹریلیا میں شارک کے حملے میں ایک خاتون ہلاک اور ایک شخص شدید زخمی ہو گیا۔
غیر ملکی خبر ایجنسی کے مطابق آسٹریلیا میں ایک اور المناک واقعہ پیش آیا ہے جہاں ساحلِ سمندر پر شارک کے حملے نے ایک خاتون کی جان لے لی جبکہ ایک اور شخص شدید زخمی ہو گیا، جس کے بعد مقامی انتظامیہ نے ساحل کو فوری طور پر عوام کے لیے بند کر دیا ہے۔
بین الاقوامی میڈیا رپورٹس کے مطابق یہ واقعہ نیو ساوتھ ویلز کی مشہور تفریحی جائے وقوعہ کائلز بیچ پر اس وقت پیش آیا جب ایک بڑی بل شارک نے اچانک پانی میں موجود افراد پر حملہ کر دیا۔ حملہ اتنا شدید تھا کہ خاتون موقع پر ہی دم توڑ گئی جبکہ ساتھ موجود شخص شدید زخمی حالت میں اسپتال منتقل کیا گیا۔
پولیس حکام نے تصدیق کی ہے کہ امدادی ٹیموں نے پہنچ کر خاتون کو بچانے کی ہر ممکن کوشش کی، مگر وہ زخموں کے باعث جانبر نہ ہو سکیں۔ زخمی شخص کی حالت تشویش ناک بتائی جا رہی ہے۔
حکام کا کہنا ہے کہ شارک کے حملے کے بعد ساحلی علاقے کو مکمل طور پر سیل کر کے سرچ اور سرویلنس آپریشن شروع کر دیا گیا ہے تاکہ مزید کسی ممکنہ خطرے کو روکا جا سکے۔
واضح رہے کہ آسٹریلیا میں رواں سال کے دوران شارک کے حملے کا یہ پانچواں واقعہ ہے، جس کے بعد مقامی کمیونٹیز میں تشویش کی لہر پھیل گئی ہے اور ماہرین ایک بار پھر ساحلی سیکیورٹی اقدامات پر نظرثانی کا مطالبہ کر رہے ہیں۔
