پیپلز پارٹی کے یومِ تاسیس کی تقریب سے ویڈیو لنک خطاب میں چیئرمین بلاول بھٹو زرداری نے خبردار کیا کہ 18ویں آئینی ترمیم اور این ایف سی ایوارڈ میں ردوبدل کی کوئی بھی کوشش وفاق کو کمزور کرے گی اور یہ ’’آگ سے کھیلنے‘‘ کے برابر ہے۔
انہوں نے بتایا کہ ن لیگ کی جانب سے صوبائی مالیاتی اختیارات میں تبدیلی کی تجاویز پیپلز پارٹی نے مسترد کر دیں۔ بلاول نے نئی آئینی عدالت کی تشکیل کو تاریخی پیشرفت قرار دیتے ہوئے کہا کہ اس سے صوبوں کو برابری کی نمائندگی ملی ہے۔
انہوں نے عدلیہ سے بڑے مسائل کے حل کی امید ظاہر کی اور کارکنوں پر زور دیا کہ پروپیگنڈے پر توجہ نہ دیں۔
بلاول بھٹو زرداری نے بھارت کے بیانات کی مذمت کرتے ہوئے کہا کہ ملکی سلامتی کے لیے اتحاد ضروری ہے۔
