ایف بی آئی نے 6 جنوری 2021 کو واشنگٹن میں کیپیٹل پر حملے سے ایک رات قبل بم نصب کرنے کے ملزم کو گرفتار کر لیا ہے۔
اٹارنی جنرل پام بونڈی نے گرفتاری کی تصدیق کرتے ہوئے بتایا کہ 30 سالہ ملزم کا نام برائن کول جونیئر ہے جو وڈ برج ورجینیا میں اپنے والدین کے ساتھ رہتا ہے۔
حکام نے 5 جنوری کو ملزم کی وہ ویڈیو جاری کی تھی جس میں وہ ڈیموکریٹک نیشنل کمیٹی اور ریپبلکن ہیڈ کوارٹرز کی عمارتوں کے باہر بم نصب کرتا دکھائی دے رہا تھا اور اس پر 5 لاکھ ڈالر کا انعام بھی رکھا گیا تھا۔ بعد ازاں دونوں بم ناکارہ بنا دیے گئے تھے۔
حکام نے اس گرفتاری کو 6 جنوری کے حملے کی تحقیقات میں ایک اہم پیش رفت قرار دیا ہے۔
