ماسکو: روس کی جانب سے یوکرین پر کیے گئے حملوں میں یوکرین کی 2 بندرگاہوں پر حملوں کے نتیجے میں ایک شخص شدید زخمی ہوا، جو تشویشناک حالت میں اسپتال میں زیر علاج ہے۔ یوکرین کے اعلیٰ حکام نے حملے کی تصدیق کرتے ہوئے کہا کہ روسی حملے میں بندرگاہ پر موجود ایک جہاز تہس نہس ہوگیا، جس پر ترکیہ کا جھنڈا لگا ہوا تھا۔ واضح رہے کہ روسی فوج کے فضائی حملے کے باعث ملک کی ایک حساس عمارت بھی کھنڈر میں تبدیل ہوگئی ہے۔
رپورٹ کے مطابق یوکرین کے نائب وزیرِ اعظم کا کہنا ہے کہ روسی حملوں کا مقصد یوکرین کی سویلین، لاجسٹکس اور تجارتی جہاز رانی کو نشانہ بنانا ہے جبکہ نقصانات میں دوسری بڑی خبر یہ ہے کہ روس کے زیر قبضہ یوکرین ایٹمی پاور پلانٹ بھی خطرناک حادثے سے بال بال بچ گیا۔
یہ بات بھی علم میں رہے کہ روس یوکرین لڑائی کی وجہ سے ایٹمی پلانٹ کی بجلی کٹ گئی، رات بھر کولنگ پلانٹ ایمرجنسی جنریٹرز پر چلتے رہے۔
