شمالی وزیرستان کی تحصیل دتہ خیل بویا پوسٹ پر خودکش حملے کی اطلاع موصول ہوئی ہے، تاہم اب تک کسی جانی نقصان کی تصدیق نہیں ہوئی۔
مقامی پولیس کے مطابق جائے وقوعہ پر فائرنگ کا سلسلہ جاری ہے اور خودکش حملے کے مقام سے دھواں اٹھ رہا ہے۔ ابتدائی معلومات کے مطابق حملہ آور نے بارود سے بھری گاڑی استعمال کی۔
حملے کے فوری بعد سیکورٹی فورسز نے علاقے کو گھیرے میں لے لیا ہے اور پولیس، سیکیورٹی ادارے، بم ڈسپوزل اسکواڈ اور ریسکیو ٹیمیں جائے وقوعہ پر پہنچ رہی ہیں تاکہ صورتحال کو کنٹرول کیا جا سکے اور مزید خطرے کو ٹالا جا سکے۔
