متحدہ عرب امارات کے فجیرا پورٹ سے پیٹرول لے کر پاکستان آنے والے پاکستان نیشنل شپنگ کارپوریشن (پی این ایس سی) کے ایک جہاز میں افسوسناک حادثہ پیش آیا ہے۔
پی این ایس سی ذرائع کے مطابق یہ واقعہ جہاز کے ایک ٹینک کی صفائی کے دوران پیش آیا، جہاں حفاظتی اقدامات میں مبینہ غفلت کے باعث ایک کریو ممبر جان کی بازی ہار گیا۔ حادثے کے نتیجے میں جہاز کا پمپ مین بھی زخمی ہوا، جسے فوری طبی امداد فراہم کی گئی۔ ذرائع کا کہنا ہے کہ زخمی عملے کی حالت اب خطرے سے باہر ہے اور وہ زیر علاج ہے۔
پی این ایس سی کے مطابق جاں بحق ہونے والے کریو ممبر کی میت کو ضروری قانونی کارروائی کے بعد گوادر پورٹ سے اس کے آبائی علاقے بھکر روانہ کر دیا گیا ہے۔ واقعے کی وجوہات جاننے کے لیے ابتدائی تحقیقات کا آغاز کر دیا گیا ہے۔
