تربت میں سیکیورٹی فورسز نے اسلحہ اسمگلنگ نیٹ ورک پر کارروائی کرتے ہوئے غیر قانونی اسلحے کی بڑی کھیپ قبضے میں لے لی۔
بلوچستان کے ضلع کیچ کی تحصیل تربت میں کارروائی کے دوران ایم 8 شاہراہ سمی ناکے پر مشتبہ پک اَپ کی تلاشی لی گئی، جہاں بھاری مقدار میں غیر قانونی اسلحہ برآمد ہوا۔
ذرائع کے مطابق سیکیورٹی فورسز نے مشتبہ گاڑی سے 400 پستول اور 340 میگزین ضبط کیے، جبکہ مشتبہ شخص گاڑی سمیت گرفتار کر لیا گیا۔ گرفتار شخص کی شناخت احسن اللہ ولد میر باز خان، ساکن پشاور کے طور پر ہوئی ہے۔
سیکیورٹی فورسز کا کہنا ہے کہ ملکی امن و امان کے قیام اور شرپسند عناصر کے خاتمے کے لیے وہ بھرپور اقدامات جاری رکھیں گے۔
