امریکی شہر لاس اینجلس میں ایرانی حکومت کے خلاف ہونے والے مظاہرے کے دوران ایک ٹرک کی ٹکر سے متعدد مظاہرین زخمی ہو گئے۔ امریکی میڈیا کے مطابق زخمیوں میں سے کئی افراد کو فوری طور پر اسپتال منتقل کیا گیا، جبکہ واقعے میں ملوث ٹرک ڈرائیور کو حراست میں لے لیا گیا ہے۔
دوسری جانب ایران نے امریکا اور صیہونی حکومت کے خلاف مزاحمت کے دوران جانیں قربان کرنے والوں کی یاد میں تین روزہ سوگ کا اعلان کیا ہے۔
واضح رہے کہ ایران میں گزشتہ 14 دنوں سے احتجاجی مظاہرے جاری ہیں۔ ایرانی انسانی حقوق تنظیم کے مطابق دو ہفتوں کے دوران ہونے والے مظاہروں میں 192 افراد ہلاک ہوئے ہیں، تاہم امریکی انسانی حقوق تنظیم ایچ آر اے این اے کا دعویٰ ہے کہ اسی عرصے میں ایران بھر میں 490 مظاہرین جان سے ہاتھ دھو بیٹھے ہیں۔
