اسلام آباد:سابق وفاقی وزیر شیریں مزاری کا نام دوبارہ ای سی ایل میں ڈال دیا گیا۔
سابق وزیر اعظم عمران خان کے دور میں وفاقی وزیر برائے انسانی حقوق رہنے والی ڈاکٹر شیریں مزاری نے کہا ہے کہ انھیں وزارتِ داخلہ کی جانب سے ایک نیا مراسلہ موصول ہوا ہے جس میں ان کا نام ایک مرتبہ پھر ایگزٹ کنٹرول لسٹ (ای سی ایل) میں شامل کر دیا گیا ہے۔
شیریں مزاری اس وقت اپنی جیل میں موجود وکیل بیٹی ایمان مزاری اور داماد ہادی علی چھٹہ کی رہائی کے لیے کوشاں ہیں، جنھیں متنازع ٹویٹس مقدمے میں پیکا قانون کے تحت گرفتار کیا گیا ہے۔
شیریں مزاری نے کہا کہ یہ مراسلہ 5 دسمبر 2025 کو جاری کیا گیا تھا اور آج بذریعہ کورئیر ان کے پاس پہنچا۔شیریں مزاری کا نام پہلے بھی ای سی ایل میں شامل کیا گیا تھا، تاہم بعد میں اسے نکال دیا گیا تھا۔
