کینیبرا :آسٹریلیا نے اعلان کیا ہے کہ جون 2026 کے بعد اس کا افغان سفارتخانہ اپنی تمام سرگرمیاں بند کر دے گا۔ آسٹریلوی محکمہ خارجہ و تجارتی امور نے کہا ہے کہ طالبان کے متعین سفارتکار اور اعزازی قونصلر سمیت کسی نمائندے کو قبول نہیں کیا جائے گا۔
آسٹریلوی حکام کا کہنا ہے کہ یہ فیصلہ طالبان رجیم کی غیر جمہوری اور پرتشدد پالیسیوں کے پیش نظر کیا گیا ہے، جن کی وجہ سے افغانستان کو عالمی تنہائی کا سامنا ہے، وہ طالبان کو افغان عوام کے جائز نمائندے کے طور پر تسلیم نہیں کرتی۔
آسٹریلوی میڈیا کے مطابق طالبان کے زیر انتظام اداروں میں انسانی حقوق کی خلاف ورزیاں اور اختلاف رائے پر پابندیاں معمول کی بات ہیں، جس پر آسٹریلوی حکومت نے شدید تشویش کا اظہار کیا ہے۔ اسی حوالے سے ریفیوجی کونسل آسٹریلیا نے بتایا کہ افغانستان میں شہری طالبان کے اداروں سے دستاویزات حاصل کرنے میں خوفزدہ ہیں اور عام لوگ طالبان کے قوانین کے نفاذ سے پریشان ہیں۔
