وزیراعظم شہباز شریف لندن سے امریکا کے لیے روانہ ہو گئے ہیں ، وزیراعظم جہاں آج (19 فروری) واشنگٹن میں غزہ بورڈ آف پیس کے افتتاحی اجلاس میں شرکت کریں گے۔
ترجمان دفترِ خارجہ کے مطابق وزیراعظم کو امریکی صدر ڈونلڈ ٹرمپ نے غزہ امن بورڈ کے افتتاحی اجلاس میں شرکت کی دعوت دی ہے۔ وزیراعظم اس اجلاس میں پاکستان کی نمائندگی کریں گے۔
ترجمان کے مطابق نائب وزیراعظم اسحاق ڈار اور دیگر اعلیٰ سرکاری حکام بھی وفد میں شامل ہیں۔
دورے کے دوران وزیراعظم کی امریکی قیادت اور دیگر عالمی رہنماؤں سے ملاقاتیں متوقع ہیں، جن میں دوطرفہ تعلقات اور عالمی امور پر تبادلہ خیال کیا جائے گا۔
