پشاور میں مرکزی رویت ہلال کمیٹی کے رمضان المبارک کا چاند دیکھنے کے لیے منعقدہ اجلاس پر 20 لاکھ روپے کے اخراجات سامنے آئے ہیں، جن کی ادائیگی خیبرپختونخوا کی صوبائی حکومت کرے گی۔
صوبائی حکومت نے 25 فروری کو ہونے والے کابینہ کے 48 ویں اجلاس کا ایجنڈا تیار کر لیا ہے، جس کی صدارت وزیراعلیٰ خیبرپختونخوا سہیل آفریدی کریں گے۔ اجلاس میں مختلف امور کے ساتھ رویت ہلال کمیٹی کے اخراجات کی منظوری بھی شامل ہے۔
میڈیا رپورٹس کے مطابق کابینہ اجلاس کے لیے 18 نکاتی ایجنڈا ترتیب دیا گیا ہے، جس کے تحت رمضان المبارک کا چاند دیکھنے کے لیے منعقدہ مرکزی اجلاس پر آنے والے 20 لاکھ روپے کے اخراجات کی باقاعدہ منظوری لی جائے گی۔ حکام کے مطابق رقم کی ادائیگی صوبائی خزانے سے کی جائے گی۔
