سعودی عرب کی وزارت خارجہ نے ایران کی جانب سے خلیجی اور عرب ممالک پر کیے گئے حملوں کو سختی سے مسترد کرتے ہوئے انہیں ناقابل قبول اقدام قرار دیا ہے۔
وزارت خارجہ نے کہا کہ یہ حملے خطے کے امن اور استحکام کے لیے خطرہ ہیں۔
بیان میں کہا گیا کہ متحدہ عرب امارات، کویت، قطر، بحرین اور اردن کو نشانہ بنانا ان ممالک کی خودمختاری کی کھلی خلاف ورزی ہے اور ایسے اقدامات کسی صورت قابل قبول نہیں۔ سعودی حکام نے ان حملوں کی شدید الفاظ میں مذمت کی ہے۔
سعودی وزارت خارجہ نے متاثرہ ممالک کے ساتھ مکمل یکجہتی کا اظہار کرتے ہوئے یقین دلایا کہ وہ اس مشکل وقت میں خلیجی ریاستوں کے ساتھ کھڑا ہے۔ ساتھ ہی حملوں سے متاثرہ ممالک اور عوام کے ساتھ ہمدردی اور تعاون کے عزم کا بھی اعادہ کیا گیا۔
