ڈی آئی خان میں جے یو آئی (ف) کے رہنما مولانا اسجد محمود کے اسکواڈ کی ایک گاڑی کو پیش آنے والے حادثے میں دو رضاکار جاں بحق جبکہ ایک زخمی ہو گیا۔
پولیس کے مطابق یہ حادثہ وانڈہ یارک کے قریب اس وقت پیش آیا جب اسکواڈ میں شامل گاڑی پھسلن کے باعث سی پیک موٹروے سے نیچے جا گری۔
حادثے کے نتیجے میں دو افراد موقع پر ہی جان کی بازی ہار گئے جبکہ ایک زخمی کو فوری طور پر طبی امداد فراہم کی گئی۔
پولیس کا کہنا ہے کہ جے یو آئی (ف) کے سربراہ مولانا فضل الرحمان کے صاحبزادے اسجد محمود اس حادثے میں محفوظ رہے۔
