دوحہ: قطر اور ایران کے درمیان کشیدگی خطرناک حد تک شدت اختیار کر گئی ہے، جہاں دوحہ حکومت نے سخت سفارتی اقدام کرتے ہوئے ایرانی سفارتخانے کے سیکیورٹی اور عسکری اتاشیوں کو ناپسندیدہ شخصیات قرار دے دیا ہے۔
سرکاری اعلامیے کے مطابق دوحہ میں تعینات ایرانی سفارتخانے کے ان دونوں اعلیٰ عہدیداروں کو قومی سلامتی کے لیے خطرہ قرار دیتے ہوئے 24 گھنٹوں کے اندر ملک چھوڑنے کا حکم دیا گیا ہے۔ یہ پیش رفت اس وقت سامنے آئی جب قطر نے اپنے تیل کے ذخائر پر ایرانی حملوں کا الزام عائد کیا۔
ذرائع کے مطابق اس فیصلے کے بعد دونوں ممالک کے سفارتی تعلقات میں شدید تناؤ پیدا ہو گیا ہے، جبکہ خلیجی خطے میں توانائی کے تحفظ سے متعلق خدشات مزید بڑھنے کا امکان ظاہر کیا جا رہا ہے۔
