امریکی صدر ڈونلڈ ٹرمپ نے اعلان کیا ہے کہ امریکا کے تین جنگی بحری جہاز کامیابی کے ساتھ آبنائے ہرمز عبور کر گئے ہیں۔
صدر ڈونلڈ ٹرمپ نے سماجی رابطے کے پلیٹ فارم ٹروتھ سوشل پر جاری بیان میں کہا کہ امریکی جنگی بحری جہازوں کو آبنائے ہرمز سے گزرنے کے دوران ایران کی جانب سے نشانہ بنایا گیا، تاہم ان جہازوں کو کوئی نقصان نہیں پہنچا۔
انہوں نے کہا کہ حملہ کرنے والے ایرانیوں کو بھاری نقصان اٹھانا پڑا جبکہ حملے میں استعمال ہونے والی چھوٹی کشتیاں تباہ کردی گئیں اور کئی ایرانی کشتیاں سمندر میں ڈبو دی گئیں۔
امریکی صدر کے مطابق امریکی جنگی بحری جہازوں پر میزائل بھی داغے گئے جنہیں آسانی سے تباہ کردیا گیا، جبکہ بھیجے گئے بغیر پائلٹ طیاروں کو بھی فضا ہی میں مار گرایا گیا۔
