کویت سٹی: کویت کے سینٹرل بینک کی جانب سے اکاﺅنٹ ہولدرز کو وارننگ جاری کردی گئی ہے۔
عالمی میڈیا کے مطابق سینٹرل بینک نے عوام کو آن لائن مالیاتی دھوکے بازوں کے ہتھکنڈوں سے تحفظ کے لیے سخت وارننگ جاری کر دی ہے۔ بینک نے خبردار کیا ہے کہ سرمایہ کاری کے جعلی مواقع اور مشکوک منی ٹرانسفر اسکیمیں شہریوں کو دھوکا دہی اور منی لانڈرنگ جیسی غیر قانونی سرگرمیوں میں دھکیل سکتی ہیں۔ مقامی میڈیا کے مطابق سینٹرل بینک کا اس اہم الرٹ میں کہنا ہے کہ دھوکے باز سوشل میڈیا چینلز اور میسجنگ ایپلی کیشنز کا سہارا لے رہے ہیں۔ واضح رہے کہ مذکورہ عناصر معصوم شہریوں کو معمولی رقم پر غیر حقیقی منافع کمانے کا جھانسادے کر اپنے جال میں پھنساتے ہیں۔
