فیصل آباد کے علاقے طیبہ ٹاؤن میں افسوسناک واقعہ پیش آیا جہاں چار سالہ بچی کھلے مین ہول میں گر کر جاں بحق ہوگئی۔
پولیس کے مطابق ننھی ہانیہ نور گھر کے قریب گلی میں کھیل رہی تھی کہ اچانک لاپتا ہوگئی۔
اہل خانہ اور اہل علاقہ نے بچی کی تلاش شروع کی، تاہم کچھ دیر بعد اس کی لاش قریبی مین ہول سے برآمد ہوئی۔ واقعے کے بعد علاقے میں شدید غم و غصہ پایا جارہا ہے۔ پولیس کا کہنا ہے کہ متعلقہ ڈویلپر کے خلاف مقدمہ درج کرلیا گیا ہے۔
ایف آئی آر کے مطابق کئی مین ہولز بغیر ڈھکن کے کھلے چھوڑ دیے گئے تھے، جس سے انسانی جانیں خطرے میں تھیں۔
