راولپنڈی: راولپنڈی میں دفعہ 144 کے نفاذ کے ساتھ اڈیالہ جیل کے اطراف کا علاقہ ریڈ زون قرار دے دیا گیا ہے۔
ذرائع کے مطابق اڈیالہ جیل کے گرد و نواح کا علاقہ ریڈ زون قرار دیتے ہوئے 9 تھانوں کی پولیس، 4 ڈی ایس پی، ایس ایس پی، ایس پی صدر، سی پی او راولپنڈی کو ڈیوٹی پر مامور کر دیا گیا ہے۔مجموعی طور پر ایک ہزار پولیس اہلکار ڈیوٹی پر تعینات کر دیے گئے ہیں جبکہ واٹر کینن بھی جیل کے باہر کھڑی کر دی ہے۔
متعلقہ انتظامیہ نے اڈیالہ جیل کے اطراف میں دکانیں، ہوٹل، تندور اور پٹرول پمپس بند کروانے کے احکامات بھی جاری کر دیے ہیں۔
