دیامر:جماعت اسلامی گلگت بلتستان اسمبلی حلقہ 1 کے امیدوارمولانا تنویر حیدری کسی کے حق میں دستبردار نہیں ہوئے ہیں۔
نائب امیر جماعت اسلامی آزاد کشمیر و گلگت بلتستان مشتاق احمد ایڈووکیٹ نے کہا ہے کہ شکست سے خوفزدہ عناصرکی جانب سے مولانا تنویر حیدری کی دستبرداری کے حوالے پھیلائی گئی منفتی خبروں اور پروپیگنڈے کی پرزور مذمت کرتے ہیں۔
مشتاق احمد ایڈووکیٹ کا کہنا تھا کہ کل ان شا اللہ حلقہ 1کے عوام اپنی بھرپورحمایت اظہار کرتے ہوئے مولانا تنویرحیدری کو منتخب کرے گی۔ جماعت اسلامی خدمت اور دیانت کی بنیاد پر حلقہ ون پر کامیابی حاصل کرے گی۔
واضح رہے کہ گلگت بلتستان اسمبلی کے 24 حلقوں میں کل انتخابی دنگل سجنے جا رہا ہے، جس کے لیے انتظامات آخری مراحل میں داخل ہو چکے ہیں
