پاکستان کے سابق فاسٹ بولر شعیب اختر نے انکشاف کیا ہے کہ انہیں اپنے کرکٹ کیریئر کے دوران بالی ووڈ میں کام کرنے کی پیشکش ہوئی تھی مگر انہوں نے فلمی دنیا میں قدم نہ رکھنے کا فیصلہ کیا۔
شعیب اختر نے تابش ہاشمی کے شو میں گفتگو کرتے ہوئے بتایا کہ ایک وقت میں انہوں نے اداکاری کے بارے میں سنجیدگی سے سوچا تھا اور انہیں عمران ہاشمی کی مشہور فلم ’گینگسٹر‘ میں بھی ایک کردار کی پیشکش کی گئی تھی۔
View this post on Instagram
ساتھ ہی انہوں نے یہ بھی انکشاف کیا کہ بالی ووڈ سپر اسٹار سلمان خان نے بھی انہیں ذاتی طور پر ایک فلم کی پیشکش کی تھی۔ کئی فلم سازوں کا خیال تھا کہ وہ فلموں میں ولن کا کردار باآسانی ادا کر سکتے ہیں۔
شعیب اختر نے بتایا کہ اداکاری میں دلچسپی کے باوجود انہیں جلد اندازہ ہو گیا تھا کہ کرکٹ اور فلمی کیریئر کو ایک ساتھ جاری رکھنا آسان نہیں ہو گا۔ اس ہی لیے انہوں نے کرکٹ کو مکمل توجہ دینے کا فیصلہ کیا۔
