نئی دہلی/وزیرِاعظم نریندر مودی نے ہفتہ کو یہاں ایتھوپیا کے وزیرِاعظم ڈاکٹر ابی احمد علی کے ساتھ دو طرفہ مذاکرات کیے اور دفاع و سلامتی سمیت مختلف شعبوں میں پیش رفت کا جائزہ لیا۔برکس سربراہ اجلاس کے موقع پر شروع ہونے والی دو روزہ کانفرنس سے الگ منعقدہ اس ملاقات میں دونوں رہنماؤں نے دو طرفہ اسٹریٹجک شراکت داری کو مزید مستحکم کرنے پر گفتگو کی۔ دونوں فریقوں نے اقتصادی تعاون، دفاع و سلامتی کی شراکت داری اور صلاحیت سازی جیسے اہم شعبوں میں ہوئی پیش رفت کا بھی جائزہ لیا۔
دو طرفہ مذاکرات میں دونوں رہنماؤں نے باہمی اہمیت کے علاقائی اور بین الاقوامی امور پر بھی خیالات کا تبادلہ کیا۔ انہوں نے مختلف کثیرجہتی فورمز پر مل کر کام کرنے کے اپنے عزم کو دہرایا۔وزیرِاعظم مودی نے سربراہ اجلاس میں ایتھوپیا کی شمولیت کی تعریف کی۔ انہوں نے کہا کہ ایتھوپیا کی موجودگی سے “گلوبل ساؤتھ” کی اجتماعی آواز کو مضبوط کرنے میں مدد ملی ہے۔
