راجوری/ضلع راجوری کے نوشہرہ علاقے کے لمبیڑی میں قومی شاہراہ کے قریب منگل کے روز ایک شخص کی لاش برآمد ہوئی ہے۔حکام کے مطابق راہگیروں نے قومی شاہراہ کے قریب لاش پڑی دیکھ کر پولیس کو اطلاع دی، جس کے بعد پولیس کی ایک ٹیم موقع پر پہنچی اور لاش کو اپنی تحویل میں لے لیا۔
ایک عہدیدار نے بتایا کہ لاش کو شناخت کے لیے محفوظ رکھا گیا ہے، جبکہ پولیس کی جانب سے مزید قانونی کارروائیاں جاری ہیں۔ادھر پولیس نے عوام سے اپیل کی ہے کہ اگر کسی شخص کو متوفی کے بارے میں کوئی معلومات ہوں تو وہ پولیس سے رابطہ کرکے اس کی شناخت میں تعاون کریں۔
