سرینگر/سرینگر سے تعلق رکھنے والے دو لڑکے جمعرات کو ضلع گاندربل کے رائل گنڈ کے جنگلاتی علاقے میں ٹریکنگ کے دوران راستہ بھٹکنے کے بعد لاپتہ ہوگئے، جس کے بعد پولیس اور ریسکیو ٹیموں نے ان کی تلاش کے لیے آپریشن شروع کر دیا۔ ایک اعلیٰ پولیس افسر نے بتایا کہ لاپتہ لڑکوں کی شناخت حزیر اور مینان کے طور پر ہوئی ہے۔ راستہ بھٹکنے کے بعد دونوں لڑکوں نے ہنگامی ہیلپ لائن ڈائل 112 پر رابطہ کرکے مدد طلب کی۔
اطلاع موصول ہونے کے فوراً بعد گنڈ میں تعینات اسٹیٹ ڈیزاسٹر رسپانس فورس (ایس ڈی آر ایف) کی ٹیم، پولیس اسٹیشن گنڈ اور ڈائل 112 کی ٹیمیں جائے وقوعہ پر پہنچ گئیں اور لڑکوں کی تلاش شروع کر دی۔تاہم، حکام کے مطابق بعد میں دونوں لڑکوں سے رابطہ قائم نہیں ہو سکا، کیونکہ ان کے موبائل فون بند ہو گئے تھے۔حکام نے بتایا کہ دونوں لڑکوں کا سراغ لگانے کے لیے تلاش آپریشن جاری تھا۔
