امریکا میں طلبہ کی جانب سے اسائنمنٹس اور ہوم ورک کے لیے اے آئی چیٹ بوٹس استعمال کرنے کا رجحان تیزی سے بڑھ رہا ہے.
حالیہ سروے کے مطابق امریکا کے 54 فیصد نوجوانوں نے بتایا کہ انہوں نے چیٹ بوٹس سے اسکول کے کام میں مدد لی، جبکہ تقریباً 10 فیصد کا کہنا تھا کہ وہ اپنا تمام یا بیشتر اسکول ورک چیٹ بوٹس کی مدد سے کرتے ہیں۔
اسی طرح کے ایک دوسرے سروے میں 73 فیصد طلبہ نے کہا کہ انہوں نے اپنی تعلیمی سرگرمیوں میں جنریٹو اے آئی استعمال کیا۔ ان میں 31 فیصد نے تحریری اسائنمنٹس کے جوابات تیار کرنے کے لیے اے آئی استعمال کرنے کی بات کی۔
95 فیصد کا ایک نمایاں عدد ایک اور سروے میں سامنے آیا ہے. 2026 کی ایک رپورٹ کے مطابق امریکا سمیت پانچ ممالک میں سروے کیے گئے طلبہ اور اساتذہ میں مجموعی طور پر 95 فیصد سے زائد نے تعلیمی اداروں میں اے آئی استعمال کرنے کی اطلاع دی۔
