مقبوضہ بیت المقدس (نیٹ نیوز) اسرائیلی فوج اور پولیس کی فول پروف سیکورٹی میں یہودی شرپسندوں کی مسجد اقصیٰ کی بے حرمتی کا سلسلہ جاری ہے، گزشتہ روز 300 سے زائد یہودی آبادکار مسجد اقصیٰ میں داخل ہوئے اور مقدس مقام کی بے حرمتی کی۔ آبادکاروں نے مراکشی دروازے کے قریب جمع ہو کر حلمودی تعلیمات کے مطابق مذہبی رسومات ادا کیں اس موقع پر اسرائیلی فوج نے فلسطینیوں پر کڑی پابندیاں عائد کر رکھی تھیں اور انہیں مسجد اقصیٰ میں داخل ہونے سے روک دیا گیا تھا۔